آنایول خبر سایتی – مهدی صابری مهر خبر آژانسی ایله دانیشیقدا بیلدیریب: اوستاندا یاغینتی سیستئمی‌نین ایشه دوشمه‌سی ایله چرشنبه آخشامیندان (سه‌شنبه) هاوانین ایستیلیگی آشاغی دوشه‌جک و بؤلگه‌نین هر یئری هفته‌نین سونونا کیمی اوزانان بو هاوادان تأثیرلنه‌جک.

او داوام ائتدی: داغلیق اراضی‌لرده بو یاغینتی سیستئمی‌نین فعالیتی کولک و قار چووغونلاری (بهمن/چیغ) ایله برابر اولجاق. قار اوچقونو، دومان و گؤرمه مسافه‌سی‌نین آزالماسی احتمالی وار.

غربی آذربایجان هاوابیلگیسی ایداره‌سی‌نین تخمین ائتمه شعبه‌سی‌نین مدیری نارینجی خبردارلیغین وئریلمه‌سی و یوکسک داغینتی احتیمالی‌نین گؤزلنیلمه‌سی ایله باغلی دئییب: بو سوروشکن خطرینین تأثیری نتیجه‌سینده گؤرمه فاصله‌سی آزالا‌جاق، قارین یاغماسینا گؤره ده شهر و یول‌لاردا نقلیات‌ین حرکتینده فاصله‌لر یارانا‌جاق.

صابری بیلدیریب: بحرانلا مبارزه قرارگاهی‌نین اجرا اورقانلاری‌نین حاضرلانماسی، آشیریملاردا(گه‌دیکلرده) و سویوق یئرلرده یول‌لارین قاردان تمیزلنمه‌سینه حاضرلیق، گرکسیز سفرلره یول وئریلمه‌مه‌سی و شهر و یول حرکتینده، خصوصیله قار ییغان آشیریملاردا احتیاط‌لی اولماق، اتومبیل‌لرین قیش امکانلاری ایله تجهیز ائدیلمه‌سی.

او، وطنداشلاردان نؤوبتی خبردارلیغا قدر چای‌لارین کناریندا اوتراق ائتمکدن، داغچیلیقدان چکینمه‌یی، اتومبیل‌لرینده ایستی‌لیک و قیش تجهیزات‌لارینی حاضر ائتمه‌لرینی ایسته‌دی.