ایتکین دوشن داغچیلارین جسدلری تاپیلدی
آنایول خبر سایتی‌نین فارس خبر آژانسیندان آلدیغی خبره گؤره، اوشنویه والیسی (فرمانداری) علی ترابی دئییب: ایتکین دوشموش داغچیلارین جسدلری رندوله یوکسکلیگینده تاپیلیب.
او آرتیردی: ایتکین دوشن هر اوچ داغچینین جسدی قیزیل آیپارا (هلال احمر) جمعیتی، داغچیلار و انسانلارین سعی‌لری ایله رندوله اوجالیقلاریندا تاپیلیب.
ترابی دئدی: عملیاتین آلتینجی گونونده تهرانین ۳۰ نفرلیک اوزمان (متخصص) امداد و جان‌قورتارما گروهو قاباقجیل (پیشرفته) جیهازلارلا بو شهرین «رندوله» داغیندا ایتکین دوشموش داغچیلارین آختاریشینا باشلاییب و داغچیلارین جسدلری‌نین تاپیلماسینا موفق اولوب.
او علاوه ائدیب: بو داغچیلارین ایتمه‌سینه سبب اولان چیغ (بهمن) یاتاغی‌نین ساحه‌سی مین مئترمربعدن چوخ، قارین اوجالیغی ایسه (نیز) بعضی یئرلرده ۱۰ مئتره یاخیندیر و بو، آختاریشلاری بیر قدر چتینلشدیریب.