آلبئر کامونون یابانچی رومانی

آنایول – یابانچی، آلبر کامونون ادبیات ساحه‌سینده ان اونملی کیتابی‌دیر. بو رومان ایلک دفعه ۱۹۴۲-جی ایلده یاییلیبدیر.

رومانین موضوع‌سو چوخ ساده‌دیر. رومانداکی هر شئی چوخ قیسا بیر زاماندا اولوب بیتير. الجزایرده، بیر تصادف نتیجه‌سینده، بیر عربی اؤلدورن اورتا طبقه‌دن اولان بیر فرانسه‌لی، مئرساولت (Mersault)، اؤزونو آددیم-آددیم اؤلومه آپاران مدتی لاقيد شکیلده ایزله‌ییر. دیگر شخصلرین آدی خاطیرلانسا دا، روْمان قهرمانی‌نین آدینی اؤیره‌نه بیلمیرسیز (بورادا کافکا تأثیریندن سؤز گئده بیلر). کامونون يابانچیسی‌نین(تورکییه تورکجه‌سینده: یابانجی) يابانچيلاشماسینی اؤز آغیزیندان بئله گوستریلیر؛ يعنی بو ایشین منیم ائشیییمده گؤرونن کیمی بیر حالی واردی. هر شئی، من اؤنومده اولوب بیتیردی، آلین‌یازیم منه سوروشولمادان تعیین اولونوردو. ياخشی دوشونونجه دئيیله‌جک بیر شئيیم اولمادیغینی آنلاماقدايدیم. اؤز اؤزومو سئير ائدن کیمی بیر بؤلوم ایتیردیم.

“کیتابدا، مئورساولتون جمعیته، اؤزونه، اؤلومو بئله قبول ائده بیله‌جک قدر حیاتا، قیساجاسی بوتون يارانمايا خاریجیلشمه‌سی ساده بیر دیلله ایضاح ائدیلیر. کیتابین تورکیه‌ده “yabancı” آذربایجان جومهوریتینده “yad” و “yabançı” آدلاریلا فرقلی نشرلری اولدوغو حالدا ایران دا ایسه ان سون نشری باتی آذربایجانین اورمو شهرینده بوتا یایین ائوی طرفیندن اولموشدور. بو کتاب “یابانچی” آدی ایله معاصر یازیچی حسین واحدی طرفیندن ترجمه و نشره بوراخیلمیشدیر.