سامانچی قیزی
آنایول – آغ-آپپاق (آپاغ) ائله بیل سامانچی قیزی‌دیر! گؤره‌سن کیمدیر بو سامانچی قیزی!؟ خان ننه‌م مَسونون قیزی گوللری گؤرنده الی آغزیندا قالیب راضی دوشرک همیشه بو سؤزو دئیه‌ردی:
- تاری بد نظردن ساخلاسین!
من ایسه مسونون قیزی گوللری بوراخیب سامانچی قیزینی دوشونوردوم. کیمدیر بو سامانچی قیزی خان‌ننه‌دن، سوروشوب یاخین اَیله‌شیردیم. خان‌ننه‌م توماراق آجی گولومسه‌ییب دئییردی:
- نه بیلیم آی بالاسی! دئیه‌سن قدیم اورمودا بیر سامانچی قیزی وار ایمیش جیلولولار دده-ننه‌سینی اؤلدوروب سامانچی قیزی اؤزلری ایله ایران‌دان اوزاق موصل شهرینه آپارمیشدیلار. سونرالار سامانچی قیزی جیلولار الیندن قورتولوب بیرداها ایرانا قاییتمیشدی آما نه یازیق کی اوره‌یینه قیزیل یئل اسه‌رک دیغلاییب اؤلموشدور.
منیم اوچون بو «سامانچی قیزین» اَن تانیش واریانتی‌دیر و اورمو خالقینین دیللر ازبری سانکی بونا باخمایاراق آسیمیله اولموش بیریسی رومانیندا بو قیزی آسوری آدلاندیریب بئله ایضاح ائدیر کی سامانچی قیزی اصلینده تورکلرین ظولمونا معروض قالمیش!
بوندان علاوه عراق تورکلری آراسیندا دا اؤزلیک‌له «موصل و کرکوک»ده بو سایاق تانیش بیر واریانت وار. بونلارین نه اندازه ایلگیسی اولا بیلر آراشدیرماق لازم‌دیر. آنجاق بونادا ا‌شاره ائتمک اولار کی ائله او آجی ایللر آراسی موصل یوخسا کرکوک‌ده اینگیلیسلی بیر افسر الی‌له «سامانچی قیزی» آدلی بیر اوستون اثر یارانیب عراق مونالیزاسی آدینی قازانیر.
همین بو شاه اثری سامانچی قیزی آدی ایله چوخلاریمیز خبردار اولمادان جاماکایا سالیب ائویمیزین بزه‌یی ائله‌میشک. بو شکیل‌دن بیری ده بیزیم ائوین دووارینا آسیلمیشدی ایللر‌بویو اونا باخیب کیم اولدوغونو خبردار اولمادان کئچیب گئدیردیم. سونرالار بو شکیل جاماکا نه اولدو ایتدی‌ـ‌باتدی بیلمیرم. آنجاق ائویمیزین هانسی بیر بوجاغیندا اولسا آختاریب تاپمالییام.
محمدعلی ارجمندی – ژورنالیست