آشیق محمدحسین دهقان
آشیق محمد حسین دهقان ایگدیر، 1313-جو ایلین بایرام آیینین اونوندا، اورمونون ایگدیر کندینده دونیایا گؤز آچیب.
آشیق دهقان، بو شهرده بویا – باشا چاتاراق، آشیقلیق صنتینه ده هوس گؤستریبدیر. آشیق دهقانین اؤز دئدییینه گؤره آناسین اونون ایلک اوستاسی ساییلیر و بیر نئچه آشیق داستانینی دا آناسیندان اؤیرهنیب.
سونرالار جدیلیکله آشیق اولماق ایستهین آشیق دهقان، اورمونون بؤیوک اوستالاریندان او جملهدن، آشیف فرهاددان، آشیق موسیدان، آشیق عباددان درسلر آلاراق اوستالیق سویهسینه چاتمیشدیر.
آشیق دهقان، دئمک اولار حال-حاضیردا آشیق هاوالارینین لاپ چوخ ازبر اولانلاریندان ساییلیر. بو اوستادنین بیر نئچه شاگیردی ده اولوب، اونلاردان؛ آشيق بولود ساعد، آشيق حئيدر نيرومند، آشيق هيدايت، آشيق حميد عباسزاده، آشيق علی قره آغاجی،آشيق محمد، آشيق باهار،آشيق آللاه وئردی، آشيق مناف و… آد چکمک اولار.
آشیقدان، ایندییه کیمی، توركیيه، فرانسه، آلمان و ایرانین اؤزوندن تنديس، ميدال، افتخاری ديپلم، دوكتورا و گواهينامهلر آلیبدیر، او هم ده، داورليك كارتينی كرمان شهریندن و فخری موسیقی دوکتوراسینی باکی شهریندن آلیبدیر.
آشیق دهقان ایندیلیکده مختلف برنامهلرله برابر آشیقلار و شاعیرلر آدیندا اولان قفهده (درویشلر کوچهسیله فلکه زنجیرین آراسیندا) اؤز هنرینی همشهریلریمیزله پایلاشیر.
حسین واحدی – ژورنالیست